Transcription
1
Reçue à Grenoble, le 10 avril 1573.
2
Monsieur, ce mot sera pour vous dire que jay prins leau à Rouanne jusques en ce lyeu.
3
Mes chevaus en demeurent soulagés lesquelz jenvoye droyt à La Rochelle avec mes armes
4
cependant que je veoys faire la reverance à leurs magestés. Incontinant après, je men
5
iray trouver Monsieur, lequel est lougé au plus près de la dite Rochelle pour commancer
6
la batterye. Lon ha comblé le pourt du dit lyeu. On tient que cest ung grand point gaigné
7
daultant quelle ne peult estre secouruee. Il y a longtemps quil ne cest veu une telle
8
quantité de noblesse ensemble, comme il y a presentement avec mondit seigneur, où monsieur
9
de Monluc regente, quar monsieur de Tavannes ne si est peu randre à loccasion de sa
10
maladye, nestant encoures hors de dangier. Je vous asseure que lon bat vivement
11
Sancerre, de fasson que monsieur de La Chastre espère y donner l’assault dans deus
12
jours. Je vous escriray plus particullyerement de Parys, aydant Dieu, auquel je supplye
13
vous donner,
14
monsieur en très bonne sancté, longue et hereuse vye, saluant voz bonnes graces et
15
de madame par mes très humbles recommandations. Monsieur du Gua nest prisonnyer ny
16
blessé. A Briare, ce XXVe febvrier
17
Vostre très humble filz et très hobeyssant
18
Serviteur
19
Hourche